КЫРГЫЗПАТЕНТТИН ТҮШТҮК АЙМАКТАР АРАЛЫК БӨЛҮМҮ ОшМПУда КОНОК-ЛЕКЦИЯ ӨТТҮ

Ош мамлекеттик педагогикалык университетинде Кыргызпатенттин түштүк аймактар аралык бөлүмү тарабынан окутуучуларга арналган конок – лекция өткөрүлдү.

Иш чара "Кыргыз республикасындагы инновациялык ишмердүүлүк, автордук чектеш укуктарды жана товардык белгилерди укуктук коргоо" аталышында болуп, ага университеттин профессордук-окутуучулук курамы катышты.

Мында Кыргыз Республикасынын Министрлер Кабинетине караштуу Интеллектуалдык менчик жана инновациялар мамлекеттик агенттигинин (Кыргызпатент) түштүк аймактар аралык бөлүмүнүн башчысы Чыңгыз Жантаев “Кыргыз Республикасынын инновациялык ишмердүүлүгү” темасында презентация жасады.

Андан соң катышуучуларга аталган бөлүмдүн адистери тарабынан интеллектуалдык менчик объектилерин Кыргызпатентке каттоо, автордук укук жана мамлекетте автордук укуктарды туура каттоо, товардык белгилерди каттоо, өлкөдөгү товардык белгилердин укуктук корголушу, пайдалуу модель, ойлоп табуулар туурасында кеңири маалыматтар берилди.

Белгилей кетсек, конок – лекция интеллектуалдык менчик объектилерин укуктук коргоо боюнча маалымдуулукту камсыз кылуу жана интеллектуалдык менчик объектилерин каттоо маселелери боюнча билимди жогорулатуу максатында уюштурулган.