КӨЭАУнун ЖЕТЕКЧИЛИК ЖАМААТЫ ОшМПУда

Б.Сыдыков атындагы Кыргыз-Өзбек Эл аралык университетинин ректору Абдилбает Мамасыдыков баштаган өкүлдөр бүгүн Ош мамлекеттик педагогикалык университетине келип жакындан таанышты.

Коңшу жамаатты ректор Бекмурза Зулуев өзү тосуп алып, университеттин жаңы имараты менен тааныштырды. Алар өзгөчө корпустун материалдык-техникалык базасына баам салышып, студенттер үчүн түзүлгөн шарттар жана имараттын ички бөлүгүнүн жабдылган каражаттарын жакындан көрүп, экскурсия жасашты.

“Акыркы убактарда Ош шаарындагы ЖОЖдор динамикалуу түрдө өсүү жасап жатканын байкоого болот. Анын катарында биз коңшу окуу жай катары ОшМПУга келип, мындагы өзгөчөлүктөрдү көрүп өзүбүзгө ала турчу тажрыйбаларды арттырып кетүү үчүн тийиштүү жетекчилер менен бирге Бекмурза агайдын жетекчилигинде ишке ашкан долбоорду жакындан көрүп жатабыз. Мен буга чейин көргөн дүйнө жүзүндө бир канча окуу жайлардан кем калбаган шарттар, студенттерге, окутуучуларга түзүлгөн камкордук абдан жакшы. Баары автоматташтырылган. ОшМПУга алдыда ийгиликтерди гана каалайбыз”-, деп билдирди КӨАЭУнун ректору, профессор Абдилбает Мамасыдыков.