ИЛИМ ИЗИЛДӨӨДӨ ЖАНА ОКУТУУДА САПАТТУУЛУКТУ ЖОГОРУЛАТУУ БАШКЫ МАКСАТ

Ош мамлекеттик педагогикалык университетинин окутуучулары жана студенттери “Жаркын келечек үчүн билим алуудагы теңчилик жана жеткиликтүүлүк” долбоорунун алкагында жаңы маалыматтарга ээ болушту.

Аталган долбоор АКШнын Кыргызстандагы Элчилиги тарабынан колдоого алынып, анын алкагында Кыргызстандын бардык облустарынын жогорку окуу жайларында маалымат таратуу семинарлары өткөрүлүп жатат. Анын катарында ОшМПУнун жамааты үчүн да семинар уюштурулуп, мында маалыматтык сабаттуулук, илим изилдөөдө жана окутууда электрондук ресурстарды эффективдүү колдонуу боюнча керектүү билимдер берилди.

Бул менен бирге илимий изилдөө жүргүзүүдө кайсы булактарды колдонуу натыйжалуу, ачкыч сөздөрдү табуу, тийиштүү материалдарды издөөдө академиялык ресурстарды же Google тиркемесин колдонуу боюнча тереңдетилген маалыматтар айтылды.

Иш чара ЖОЖдор жана коомдук китепканалар үчүн эл аралык онлайн ресурстарга жеткиликтүүлүктү уюштуруу, электрондук ресурстарды эффективдүү пайдалануу жана жеткиликтүүлүктү камсыз кылуу боюнча билим берүү мекемелеринин потенциалын жогорулатуу максатында университеттин китепкана бөлүмү тарабынан уюштурулду.