ЖАТАКАНА ЖАШТАРЫ БИЛИМ ТАЙМАШТА

Ош мамлекеттик педагогикалык университетинде жатакана студенттери үчүн акыл ордо интеллектуалдык оюну өткөрүлдү.

Жаштарды билим алууга үндөгөн бул таймашка 5 команда катышып, жогорку деңгээлде билим таймашын курушту. Оюндун жүрүшү кыргыздын улуу инсандары, ыр саптары, эстен кеткис эски күндөр, фразеологизмдер, макал-лакаптар менен коштолуп, катышуучулар бир топ кызыктуу маалыматтарды ала алышты.

Жыйынтыгында активдүү катышкан жана жеңүүчү аталган командалар уюштуруу тобу тарабынан сыйланып, диплом жана белектер тапшырылды. Белгилей кетсек, аталган иш чара 21-февраль Бүткүл дүйнөлүк эне тил күнүнүн алкагында окуу жайдын жаштар комитети жана мамлекеттик тилди өнүктүрүү борбору тарабынан уюштурулган.