ӨЗБЕКСТАНДЫН КОНСУЛУ ОКУУ ЖАЙДЫН ЖЕТЕКЧИЛИГИ МЕНЕН ЖОЛУГУШТУ

Бүгүн ОшМПУнун ректору Бекмурза Зулуев Өзбекстан Республикасынын Ош шаарындагы консулу Аззамжон Абдурашидовду кабыл алды.

Жолугушууга окуу жайдын тарбия иштери жана мамлекеттик тилди өнүктүрүү боюнча ректордун жардамчысы Мунарбек Назымов жана Маалымат технологиясы, китепкана жана электрондук башкаруу бөлүмүнүн башчысы Эралы Арынбаев да катышып, өкүлдөр менен окуу жайда билим алып жаткан чет элдик студенттер тууралуу баарлашышты.

Учурда университетте окуп жактан өзбек студенттерге түзүлгөн шарттар, мүмкүнчүлүктөр, коомдук маданий иш чараларга катышуусу жана аларга жетекчилик тарабынан жүргүзүлгөн көзөмөл боюнча талкуу жүргүзүштү. Бул менен катар алдыда алаканы бекемдетүү максатында студенттер үчүн иш чараларды бирге уюштуруу натыйжалуу экенин белгилешти.