АЙЫМДАРДЫН МАЙРАМЫНА АРНАЛГАН ВОЛЕЙБОЛ МЕЛДЕШИ ӨТТҮ

Ош мамлекеттик педагогикалык университетинде 8-март Аялдардын эл аралык майрамына карата кыздар ортосунда волейбол мелдеши өткөрүлдү.

Майрамдык мелдеште ар бир факультеттен суурулуп чыккан 7 команда ат салышып, жыйынтыгында 3-орунду музыкалык-педагогикалык факультетинин кыздары, 2-орунду дене-тарбия факультетинин кыздары, ал эми 1-орунду колледждин кыздар командасы багындырды. Соңунда жеңүүчүлөр уюштуруу тобу тарабынан атайын белектер, акчалай сыйлыктар жана дипломдор менен сыйланышты.

Иш чара студенттер ортосунда ынтымакты, достукту бекемдөө, спортту өнүктүрүү жана ден соолукту чыңдоо максатында окуу жайдын жаштар комитети тарабынан уюштурулган.