МАГИСТРАНТТАР МАЙРАМДЫК МААНАЙ ТАРТУУЛАШТЫ

5-март күнү Ош мамлекеттик педагогикалык университетинде "Музыка сезимдин тили" аталышында кече болуп өттү.

Иш чараны университеттин ректору Бекмурза Зулуев ачып берип, ал өз сөзүндө магистрдик программанын багыттары боюнча илимий иш чаралар байма-бай уюштурулуп жаткандыгын баса белгиледи. Бул менен бирге окууда мыкты ийгиликтерге жетишкен магистранттарга окуу жайдын грамотасы тапшырылды.

Аны улай КББм-23 тайпасынын магистранттары тарабынан концерттик программа тартууланып, көрүүчүлөргө жагымдуу маанай түзүлдү. Мында катышуучулар төкмөлүк өнөр, үйлөмө аспаптар, улуттук салттуу бий, фольклордук ансамбль, элдик күүлөрдү жана эстрадалык обондуу ырларды аткарышты.

Белгилей кетсек, аталган иш чара 5-Март Ак калпак күнүнө жана 8-Март-Аялдардын Эл аралык майрамына карата окуу жайдын магистратура бөлүмү, музыкалык билим берүү жана аны окутуунун усулу кафедрасы тарабынан уюштурулган.