ОКУУ ЖАЙДА АЙЫМДАРДЫН МАЙРАМЫ БЕЛГИЛЕНДИ

Бүгүн Ош мамлекеттик педагогикалык университетинде 8-Март-Аялдардын Эл аралык майрамы жогорку маанайда белгиленди.

Иш чарага университеттин жетекчилиги, профессордук-окутуучулук курам жана студенттер катышып, жалпы айымдарга окутуучу агайлар тарабынан концерттик программа коюлду.

Мында таланттуу мырзалар аялзатынын аруулугун даңазалаган сахналык көрүнүштөрдү аткарып, зал ичиндеги бардык айымдарга жаз гүлүнөн белекке беришти. Бул менен катар

обондуу ырлардан созуп, көркөм окуп, кызыктуу оюндарды уюштуруп, көрүүчүлөргө жагымдуу маанай жаратуу менен өз чыгармачылыктарын тартуулашты.

Аны улай окуу жайдын өнүгүүсүнө өз салымын кошуп, жигердүү эмгектенген окутуучу эжекелерге, кызматкерлерге жана студент кыздарга Ардак грамоталар, акчалай сыйлыктар жана ыраазычылык каттар тапшырылды.

Аруу айымдарды 8-март Аялдардын эл аралык күнү менен кызуу куттуктайбыз!