13 март 2024
203
СТУДЕНТТЕР АКЫН-ЖАЗУУЧУЛАР МЕНЕН ЖОЛУГУШТУ
СТУДЕНТТЕР АКЫН-ЖАЗУУЧУЛАР МЕНЕН ЖОЛУГУШТУ
Ош мамлекеттик педагогикалык университетинде “Кулпурган жазды куттуктап,сиздерге ырдан гүл сунсак” аттуу акын-жазуучулар менен жолугушуу кечеси өткөрүлдү.
Кеченин коноктору Кыргыз Республикасынын маданиятына эмгек сиңирген ишмер, улуттук жазуучулар союзунун мүчөсү, акын жана жазуучу Зинакан Пасаңова, акын, ЭЛТР телерадиокомпаниясынын журналисти Жанара Мамадалиева жана жаш калемгер, прозаик Айжана Убайдиллаева болду.
Жолугушууда акындар менен жакындан баарлашуу жүрүп, таланттуу студенттер тарабынан поэзия мүнөттөрү тартууланып, иш чара кызуу талкуу менен коштолду. Мындан сырткары коноктор өз чыгармаларынын таржымалынан кеп козгоп, лирикалык саптары менен көрүүчүлөргө руханий гүл азык тартуулашты.
Жыйынтыгында коноктор тарабынан чыгармачылыкка шыктандырган каалоо-тилектер айтылып, студенттер берген суроолоруна тиешелүү жоопторду алышты.