16 март 2024
165
ОКУТУУЧУЛАРДЫН ЭМГЕГИН ДАҢКТАГАН “СЕРЕП” ДИЛ МАЕК ПРОГРАММАСЫ
ОКУТУУЧУЛАРДЫН ЭМГЕГИН ДАҢКТАГАН “СЕРЕП” ДИЛ МАЕК ПРОГРАММАСЫ
Ош мамлекеттик педагогикалык университетинде “Сереп” дил маек программасы уюштурулуп, анын алгачкы коногу университеттин окуу бөлүмүнүн башчысы Эмилбек Абдибалиев болду.
Иш чарага окуу жайдын ректору Бекмурза Зулуев баштаган окутуучулук жамаат жана студенттер катышты. Ошондой эле Эмилбек Абдибалиевдин үй-бүлөсү, окутуучулары, достору, санаалаштары жана жакындары катышып, иш чара кызуу маек менен коштолду.
Дил маектин алгачкы бөлүгүндө чакырылган коноктор каармандын басып өткөн чыйыр жолундагы эмгектерин, артыкчылыктарын даңазалап, аны менен бирге болгон кызыктуу окуялардан ой бөлүшүп, өзгөчө сапаттарын белгилеп, өмүр жолуна саресеп салуу менен кенен кеп курушту.
Бул менен бирге алыскы жакындарынын да ой бөлүшкөн видео тасмалары көрсөтүлдү. Андан соң программанын экинчи бөлүгү Эмилбек Абдибалиевдин студенттер тарабынан берилген ар тараптуу суроолорго жооп берүүсү менен уланды.
Жыйынтыгында мыкты суроолорду берген катышуучуларга китептер белек кылынды. Ошондой эле жалпы чакырылган конокторго уюштуруучулар тарабынан белектер тапшырылып, саамалык жылуу пикирлер менен соңуна чыкты.