ОшМПУ ЖАЛПЫ ШААРДЫК ИШЕМБИЛИККЕ АКТИВДҮҮ КАТЫШТЫ

Бүгүн Ош шаары боюнча жазгы тазалоо иштери жүрүп, анын катарында Ош мамлекеттик педагогикалык университетинин жалпы окутуучулар жана студенттер жамааты ишембиликке чыгышты.

Мында окуу жайдын ички короолорунда жана сырткы аянтчаларында тазалоо иштери жүрүп, таштандылар терилип, көчөлөр шыпырылып, арыктар тазаланды.

Белгилей кетсек аталган саамалык Ош шаарынын мэриясынын 2024-жылдын 27-февралындагы “Ош шаарын жашылдандыруу, көрктөндүрүү жана санитардык тазалоо боюнча жазгы үч айлыкты жарыялоо жөнүндө” №143 токтомуна ылайык Ак-Буура дарыясында жана анын жээктеринде санитардык тазалоо иштерин жүргүзүү максатында уюштурулду.