ОшМПУнун ЖАШ СТАРТАПЕРИ ДОЛБООРДОН ГРАНТ УТТУ

Ош мамлекеттик педагогикалык университетинин Бизнес идеяларды ишке ашыруу борборунда студенттер үчүн уюштурулган төрт күндүк комплекстүү бизнес-тренинг жыйынтыкталды.

Тренингди Ага Хан фондунун координатору Искендер Кадыров өтүп, ага университеттин жаш окутуучулары жана студенттери катыштты. Мында стартаперлер ишкердикти туура жүргүзүү, бизнес план түзүү, рынокту туура анализдөө, бизнес модел түзүү, атааңдаштыкка жөндөмдүү бизнес идея жарата билүү боюнча кеңири маалымат алышты.

Аталган окуу курстун негизинде бизнес идеялардын сынагы уюштурулуп, ага жалпы 15 стартапер катышты. Жыйынтыгында математика жана компьютердик технологиялар факультетинин 2-курсунун студенти Элиза Болот кызынын “Кондитер” проектиси атайын комиссия тобунун чечими менен тандалып алынды. Аталган грант ээсине керектүү каражаттар жана материалдар окуу жай тарабынан камсыздала турганын белгилешти.