ЖКнын ДЕПУТАТЫ ЭЛЬДАР АБАКИРОВ ОшМПУнун СТУДЕНТТЕРИ МЕНЕН ЖОЛУГУШТУ

Бүгүн Ош мамлекеттик педагогикалык университетинде Жогорку Кеңештин депутаты Эльдар Абакиров конокто болуп, окуу жайдын студенттери менен жолугушту.

Жолугушууну университеттин ректору Бекмурза Зулуев ачып берип, ага студенттер жана бизнес идеяларды ишке ашыруу борборунун жаш стартаперлери катышты.

Мында эл өкүлү жаштар менен жакындан маек куруп, билим, маданият, экономика, бизнес жана ааламдашуу доорундагы техниканын орду тууралуу бир топ маселелер үстүндө талкуу жаратты. Мындан сырткары студенттерди китеп окууга, тил үйрөнүүгө чакырып, катышуучулардын бир топ суроолоруна жооп берип, алардын сунуш-пикирлерин кабыл алды.

Бул менен бирге окуу жайдын жаңы имаратынын материалдык-техникалык базасы, Бизнес идеяларды ишке ашыруу борбору менен жакындан таанышып чыгып, жылуу пикирин билдирди. Мындан сырткары университеттин “Мурас” телестудиясында конок болуп, Кеп куржун берүүсүнө маек берди.