ОшМУнун ТАЛАНТТАРЫ ОшМПУда КОНОКТО

Ош мамлекеттик университетинин искусство факультетинин таланттары 85 жылдык мааракесин улай ОшМПУнун жамаатына концерттик программа тартуулашты.

Иш чара “ОшМУну даңктайм ыр менен” аталышында болуп, ага профессордук-окутуучулук жамаат, окутуучулар жана студенттер күбө болушту.

“ОшМУ бүгүнкү концертти биздин окуу жайдан баштап жаткандыгы дагы бизди абдан кубандырат. ОшМУнун түзүлүшүндө, түптөлүшүндө биздин окуу жайдын салымы чоң. Анткени айрым тарыхый фактыларды эске салсак, кезинде ОшМПУ өзүнүн имаратын, тагыраагы учурдагы филология факультетин ОшМУга белек катары бергенин белгилегим келет, 85 жылдык мааракеңиздер менен кызуу куттуктайм!”-деп билдирди ректор Бекмурза Зулуев.

Мында ОшМУнун искусство факультетинин таланттуу студенттеринен түзүлгөн чыгармачыл жамаат тарабынан жогорку деңгээлдеги концерттик программа коюлуп, эстрадалык жана фольклордук жанрдагы чыгармаларды ансаблдин коштоосунда жандуу аткарышты.

Ошондой эле Манас айтылып, студенттерден түзүлгөн комузчулар ансамбли күүлөрдү чертип, вариация, хор, чет элдик заманбап ырларды аткарышты. Мындан сырткары сүрөт чийүү, дизайн программалары боюнча көргөзмөлөр коюлду.