ОшМПУ ИШЕМБИЛИККЕ ЖИГЕРДҮҮ КАТЫШТЫ

Өлкө боюнча жалпы билим берүү уюмдарына тазалык кампаниясы жарыяланып, анын катарында Ош мамлекеттик педагогикалык университетинин окутуучулар жана студенттер жамааты ишембиликке чыгышты.

Мында окуу жайдын ички жана сырткы аянтчаларынын айлана-чөйрөсү таштанды калдыктарынан тазаланып, көчөттөр отургузулуп, жашылдандыруу, көрктөндүрүү, өткөн жылдагы жалбырактарды чогултуу, шыпыруу жана арыктарды тазалоо иштери жүргүзүлдү.

Ошондой эле Ош шаарынын мэриясынын 2024-жылдын 27-февралындагы “Ош шаарын жашылдандыруу, көрктөндүрүү жана санитардык тазалоо боюнча жазгы үч айлыкты жарыялоо жөнүндө” №143 токтомуна ылайык Ак-Буура дарыясынын ичин жана жээгин таштандылардан тазалоо иштерине активдүү катышты.

Белгилей кетсек аталган саамалык, Кыргыз Республикасынын Президентинин “Улуттук тазалык күнү жана 2023-2025-жылдар аралыгында тиричилик калдыктарын иштетүү боюнча натыйжалуу инфраструктура түзүүнүн иш-аракеттер планы жөнүндө” жарлыгынын негизинде чыгарылган Билим берүү жана илим министрлигинин буйругуна ылайык өткөрүлдү.