СТУДЕНТТЕР ООРУЛАРДЫН АЛДЫН АЛУУ БОЮНЧА МААЛЫМАТ АЛЫШТЫ

Бүгүн Ош мамлекеттик педагогикалык университетинде жугуштуу жана жугуштуу эмес оорулардын алдын алуу боюнча тиешелүү адистер менен студенттер ортосунда жолугушуу уюштурулду.

Иш чарага ден соолукту чыңдоо боюнча 10-үй-бүлөлүк дарыгерлер тобунун адиси Замира Турсуналиева, ОшМПУнун фельдшери Нурзида Жээналиева жана жана университеттин бардык факультеттеринен студенттер, окутуучулар катышышты.

Мында жугуштуу жана жугуштуу эмес оорулардын алдын алуу, балдардын, кыздардын өздүк гигиенасы, тамеки, насвай, психотроптук заттардын зыяндуулугу, эмдөөлөрдүн түрлөрү, кургач учук, кызамык оорулары боюнча кеңири маалымат берилди.

Ошондой эле адистер жайда, күздө курч алган безгек оорусуна да токтолушуп, оорунун жугуу жолдору, кооптуулугу, сактануу эрежелери жана Кыргызстандагы, дүйнөдөгү статистикалык маалыматтар менен да тааныштырып өтүштү. Соңунда студенттер тарабынан суроолор берилип, тиешелүү жооптор айтылды.