ОКУТУУЧУЛАР ДОЛБООР ЖАЗУУ БОЮНЧА ӨЗ БИЛИМДЕРИН ТЕРЕҢДЕТИШҮҮДӨ

18-19-апрель күндөрү Ош мамлекеттик педагогикалык университетинде Эразмус+ Кыргызстан Эл аралык уюму тарабынан долбоор жазуу боюнча интенсивдүү тренинг өткөрүлдү.

Тренингди тажрыйбалуу тренер Чынара Адамкулова өтүп, ага Кыргызстандын түштүгүндөгү 6 университеттен келген 30 окутуучу катышты.

Мында катышуучулар долбоордук өтүнмөнүн структурасын изилдеп, алган билимдерин практикалык тапшырмаларда колдонушуп, өз билимдерин тереңдетишти. Ошондой эле Эразмус+ программалары менен иштөөнү өздөштүрүп, жогорку сапаттагы долбоордук сунуштарды жазуу үчүн зарыл болгон көндүмдөрдү үйрөнүштү.

Бул менен бирге долбоордун максатын, милдетин түзүүнү, бюджетин иштеп чыгууну үйрөнүп, командада иштөө көндүмдөрүн өнүктүрүштү. Тренер Эразмус+ долбоорун башкаруунун негизги принциптерин, пландаштырууну, ресурстарды бөлүштүрүүнү айтып, катышуучулардын мониторингди өздөштүрүүсүнө жардам берди. Соңунда окутуучулар атайын сертификаттарга ээ болушту.

Белгилей кетсек, иш чара катышуучуларды Эразмус+ программасы боюнча долбоордук сунуштарды эффективдүү жазууга даярдоо максатында университеттин мектеп мугалимдеринин квалификациясын жогорулатуу, ЖОЖго чейинки даярдоо жана үзгүлтүксүз билим берүү бөлүмү тарабынан уюштурулду.