ОКУУ ЖАЙДА СТУДЕНТ КЫЗДАРДЫН СҮРӨТ КӨРГӨЗМӨСҮ УЮШТУРУЛДУ

23-апрель күнү Ош мамлекеттик педагогикалык университетинде таланттуу студент кыздардын сүрөт көргөзмөсү өттү.

Иш чара “Жаз жана сулуулук” темасында болуп, ал университеттин аялдар кеңеши тарабынан уюштурулган. Көргөзмөгө алдын-ала жарыяланган факультеттер аралык сүрөт тартуу сынагына катышкан бардык кыздардын эмгектери жайылып, ага ОшМУнун искусство факультетинин жана ОшМПУнун окутуучуларынан дайындалган калыстар тобу өз бааларын беришти.

Жыйынтыгында 3-орунга Б-1-23 тайпасынын студенти Сезимай Токторова, 2-орунга От-22 тайпасынан Айбийке Акылбек кызы, ал эми 1-орунга Айсезим Ирисалиева ээ болду. Мындан сырткары өзгөчө тартылган сүрөттөрдүн ээлерине атайын номинациялар ыйгарылып, Элизабетта Сатыбалдиева “Эмоция чебери”, Гүлзат Өмүрбек кызы “Табият музасы”, Асема Турабекова “Мыкты фантазер”, Зубайда Ярбекова “Мыкты боёкчу” номинациялары менен сыйланышып, атайын диплом жана баалуу белектерге ээ болушту.