ОКУУЧУЛАР "КЕСИБИМ-КЕЛЕЧЕГИМ" ФОРУМУНУН ИНТЕЛЛЕКТУАЛДЫК ТАЙМАШЫНДА

Ош мамлекеттик педагогикалык университетинде "Билимдүү жаштар - жаркын келечек" аталышында окуучулар ортосунда интеллектуалдык оюн өткөрүлдү.

Ага университеттин ректору Бекмурза Зулуев, Багыт окуу борборунун адистери жана алыскы Баткен, Кызыл – Кыя, Ноокат, Кара – Суу, Лейлек, Алай, Өзгөн райондорунан келген окуучулар, мугалимдер катышты.

Аталган акыл таймаш “Кесибим – келечегим” аталышындагы форумдун алкагында уюштурулуп, мында катышуучуларга логикалык, фактылык кругозордук жана предметтик суроолор берилип, болочок абитуриенттер өз билимдерин сыноо менен кызуу мелдеш курушту.

Жыйынтыгында 3-орунду Баткен облусунун окуучусу Мээрбан Улукбек кызы жана 2 – орунду Өзгөн районунун окуучусу Өмүргүл Үсөнбаева ээлеп, эки окуучуга тең Ташкент шаарына жолдомо, диплом, баалуу белектер тапшырылды. Ал эми 1-орунду Баткен облусунун окуучусу Мирлан Досболов багындырып, ага ноутбук, диплом, баалуу белектер тапшырылды. Жеңүүчүлөргө форумдун официалдуу бөлүгүндө дипломдор жана баалуу белектер тапшырылды.