ОШ ШААРЫНДА ЧУРКОО БОЮНЧА ЭЛ АРАЛЫК МАРАФОН ӨТТҮ

Бүгүн борбордук аянтта Ош мамлекеттик университетинин 85 жылдык мааракесин улай “Жибек жолу 2024” аталышында чуркоо боюнча жарыш болуп өттү.

Марафонго Ош, Бишкек, Жалал-Абад, Нарын, Баткен шаарларынан жана Кытай, Россия, Египет, Өзбекстан, Пакистан, Индия өлкөлөрүнүн келген 1000ге жакын жарандар катышты.

Катарда ОшМПУнун ректору Бекмурза Зулуев баштаган окутуучулар жана студенттер да марафонго активдүү катышып, жалпы жөө күлүктөр менен 3 категорияда 3,5 жана 10 чакырым аралыкта чуркашты.

Аталган спорт саамалыгы өзгөчө шаңдуу маанайда коштолуп, соңунда жеңүүчүлөрдү сыйлоо менен жыйынтыкталды.