НИЯЗАЛЫ АТЫНДАГЫ ОШ МАМЛЕКЕТТИК МУЗЫКАЛЫК ОКУУ ЖАЙЫНЫН ТАЛАНТТАРЫ ОшМПУда

Бүгүн Ош мамлекеттик педагогикалык университетинде Ниязалы атындагы Ош мамлекеттик музыкалык окуу жайынын отчёттук концерти өткөрүлдү.

Иш чара университеттин маданий эстетикалык борборунда уюштурулуп, ага музыкалык-педагогикалык факультетинин деканы Кундуз Миңбаева баштаган окутуучулук жамаат жана студенттер күбө болушту.

Мында Ниязалы Борошев атындагы Ош мамлекеттик музыкалык окуу жайынын “Үйлөмө аспаптар” бөлүмүнүн агай-эжекелери жана студенттеринен турган топ отчёттук концерт коюп, көрүүчүлөрдүн маанайын көтөрүштү. Аталган саамалык жалпысынан 40 мүнөттү камтып, дүйнөлүк жана кыргыз музыкаларынын жагымдуу кайрыктары аспаптардын коштоосунда аткарылып, катышуучуларга руханий-эстетикалык азык тартууланды.