ОшМПУнун АРДАКТУУ ОКУТУУЧУСУ НАЗИРХАН ШЕРМАТОВАНЫ ЭСКЕРҮҮ КЕЧЕСИ ӨТТҮ

Назирхан Шерматова көзү тирүү болгондо быйыл 65ке чыкмак. Анын урматына бүгүн окуу жайда эскерүү кечеси уюштурулуп, ага университеттин ректору Бекмурза Зулуев, окутуучулар жана студенттер катышты.

Иш чаранын алгачкы бөлүгүндө каармандын басып өткөн тагдырын, ишмердүүлүгүн чагылдырган видео тасма көрсөтүлдү. Андан соң Назирхан Шерматованын жакындары, кесиптештери, үй – бүлөсү, достору жана санаалаштары анын өткөн жашоосундагы өрнөктүү өмүр жолун, педагогдук чеберчилигин жана турмушта кездешкен кызыктуу окуяларын эскеришти.

Белгилей кетсек Назирхан Шерматова окуу жайдын мурдагы педагогика жана педагогиканы окутуунун усулу кафедрасынын ага окутуучусу, педагогика факультетинин окуу иштер боюнча декандын орун басары, музыкалык билим берүү жана психология кафедрасынын кафедра башчысы кызматтарында иш алып барган.