28 май 2024
148
ОКУТУУЧУЛАРДЫН КЕЗЕКТЕГИ ВОЛЕЙБОЛ МЕЛДЕШИ СТАРТ АЛДЫ
ОКУТУУЧУЛАРДЫН КЕЗЕКТЕГИ ВОЛЕЙБОЛ МЕЛДЕШИ СТАРТ АЛДЫ
Ош мамлекеттик педагогикалык университетинде салтка айланган факультеттер аралык профессордук - окутучулар жамаатынын ортосундагы спартакиада старт алды.
Ага ылайык бүгүн спартакиаданын ачылуу аземи уюштурулуп, андан соң командалар чучук-улак тандашты. Учурда университеттин ар бир факультетинен куралып чыккан эжекелер жамааты спорттун волейбол түрү боюнча мелдеш курушууда.
Аталган саамалык куу жайдын күнүнө карата ден соолукту чыңдоо, сергек жашоого үндөө максатында факультеттер арасында кезектешип өткөрүү салтына айланган. Бул ирет оюн окуу жайдын администрация бөлүмү тарабынан уюштурулуп жатат.
Бүйүр кызыткан мелдеште оюнчулардын жеңишке болгон аракети күч болуп, кызуу атааңдаштык жаралууда.