1 сентябрь 2024
46
БИЛИМ МАЙРАМЫҢЫЗДАР КУТ БОЛСУН
Бүгүн Ош мамлекеттик педагогикалык университетинин жалпы жамааты билим күнүн салтанаттуу түрдө белгилеп, жаңы окуу жылын өзгөчө маанайда баштады.
Университеттин аянтчасы билим дүйнөсүн көксөгөн студенттерге толуп, окуу жайдын профессордук-окутуучулук курамы жана ата-энелер биргеликте чакан майрамдык иш чарага күбө болушту.
Салтанатты ОшМПУнун ректору Бекмурза Зулуев ачып, студенттердин мыкты окуп, студенттик алтын доорду өзгөчө жетишкендиктер менен сүрүп, билим сапарлары ийгиликтүү болуусуна тилектеш экенин билдирди. Ары карай куттуктоо сөздөрү уланып, иш чара концерттик программа менен жыйынтыкталды.
ОшМПУну тандаган студент досторго ийгиликтерди каалайбыз! Куттуу окуу жайга кош келиңиздер!
