ОШМПУ ТҮШТҮК КОРЕЯ МЕНЕН КЫРГЫЗСТАНДЫН КЫЗМАТТАШТЫК КЕҢЕШМЕСИНДЕ

9-сентябрь күнү ОшМПУнун ректору Бишкекте өткөн Түштүк Корея Республикасынын делегациясы менен Кыргызстандын жогорку окуу жайларынын кызматташтык кеңешмесине катышып келди.

Аталган кызматташтык жолугушуу И.Арабаев атындагы Кыргыз мамлекеттик университетинде уюштурулуп, ага Түштүк Корея Республикасы менен Кыргызстандын бир канча жогорку окуу жайларынын тийиштүү өкүлдөрү катышып, эки тараптуу сүйлөшүүлөр жүрдү.

Мында эки өлкөнүн билим берүү чөйрөсүнө жаңыланууларды киргизүү менен илимий кызматташтыкты өркүндөтүү, тажрыйба алмашуу, студенттердин мобилдүүлүк программасын жөнгө салуу жана окутуучулардын квалификациясын жогорулатуу сыяктуу бир канча маселелер талкууланды. Аталган жолугушуунун жыйынтыгы менен алдыда Кыргызстан менен Түштүк Кореянын билим берүү программалары туура келген ЖОЖдору менен академиялык кызматташтык келишимдери түзүлүүсү күтүлөт.