СТУДЕНТТЕР БАҢГИЗАТТАРДЫН ЗЫЯНДУУЛУГУ БОЮНЧА МААЛЫМАТ АЛЫШТЫ

Бүгүн Ош мамлекеттик педагогикалык университетинде студенттер үчүн “Баңгизаттарга каршы күрөшүү” аталышында жолугушуу уюштурулду.

Иш чаранын коногу Кыргыз Республикасынын ИИМдин Баңгизаттарды мыйзамсыз жүгүртүүгө каршы күрөшү кызматынын бөлүм башчысы, милициянын полковниги Абдисамат Пусурманкулов болуп, ага окуу жайдын жалпы студенттери катышты.

Саамалык Кыргыз Республикасынын Ички иштер министрлиги тарабынан уюштурулуп, “Биз Кыргызстандын саламаттыгы үчүн!” чакырыгы менен коштолду. Мында студенттерге адис тарабынан наркотиктин зыяндуулугу, баңгизаттардын адам организмине тийгизген таасири, зыяндуулугу, натыйжасы тууралуу маалымат берилип, түшүндүрүү иштери жүргүзүлдү. Бул менен бирге суроо-жооп уюштурулуп, баңгизаттын адам өмүрүнө тийгизген таасири тууралуу видео тасмалар көрсөтүлдү.