“KALPAK ENGLISH ACADEMY” БИЛИМ БЕРҮҮ БОРБОРУ ОКУУ ЖАЙДА КОНОКТО

Бүгүн Ош мамлекеттик педагогикалык университетинин гуманитардык факультетинде “Kalpak English Akademy” билим берүү борборунун өкүлдөрү конокто болушту.

Мында “Kalpak English Akademy” билим берүү борборунун негиздөөчүсү Ноа Братчер баштаган топ алгач факультет деканы Нурбек Маткаримов жана англис тили жана аны окутуунун усулу кафедрасынын жамааты менен жакындан таанышып, өздөрүнүн окутуу программасы боюнча кеңири маалымат беришти.

Бул менен бирге англис тили адистигиндеги студенттер менен жолугушуп, катышуучуларга алдыдагы аткарылуучу долбоорлору боюнча ой бөлүшүп, тил үйрөнүү дүйнөгө жол ачаарын, аны менен бирге бир топ ийгиликтерди жаратса болоорун баса белгилеп өтүштү. Соңунда кафедрага атайын белектерди берип, ал эми активдүү студенттерге атайын окуу борбордун сертификатын тапшырышты.