ӨЗБЕКСТАНДА ӨТКӨН ДҮЙНӨЛҮК МЕЛДЕШТЕ ОшМПУнун СТУДЕНТТЕРИ ИЙГИЛИКТЕРДИ ЖАРАТТЫ

Өзбекстан Республикасынын Ташкент шаарында өткөн кикбоксинг боюнча “Дүйнө кубогу-2024” Эл аралык турнири жыйынтыкталды.

Ага ылайык дүйнөнүн төрт бурчунан келген катышуучулардан жеңүүчүлөр аныкталып, сыйлыктар тапшырылды. Катарда Ош мамлекеттик педагогикалык университетинин дене тарбия факультетинин студенттери да алдыңкы орундарга ээ болуу менен жеңүүчү аталышты.

Мында дт-24-2 тайпасынын студенти Кутман Максатбеков 2-орунду, дт3-22 тайпасынын студенттери Үсөн Абдывахапов жана Асан Абдывахапов 2-орундарды, ал эми дт-23-2 тайпасынын студенти Актилек Осмонжанов 3-орунду багындырып, диплом, кубок жана медалдарга ээ болушту.

Аталган студенттер мелдешке дене тарбия жана табигый илимдер кафедрасынын окутуучусу, бокс, кикбоксинг боюнча спорт чебери, тренер Махаматсадык Эркинбаевдин жетекчилиги менен катышты.