ОшМПУнун ЖАМААТЫ КЕСИПТИК МАЙРАМЫН БЕЛГИЛЕШТИ

Ош мамлекеттик педагогикалык университетинин профессордук-окутуучулар жамааты кесиптик майрамын белгилешти.

Ага ылайык окуу жайда үзүрлүү эмгектенип жаткан жалпы окутуучулар майрамдык салтанатка өзгөчө маанайда катышып, бир топ окутуучуларга жана илимдин кандидаттарына министрликтин, мэриянын, облустун, кесиптик бирликтин жана окуу жайдын сыйлыктары тапшырылды.

Ошондой эле кесипкөй окутуучуларга агартуу тармагындагы көп жылдык ак эмгеги, келечек муунга татыктуу тарбия берүүдөгү ийгиликтери, окуу жайдын өнүгүүсүнө кошкон салымы жана коомдук иштерге активдүү катышкандыгы үчүн Ардак грамота жана акчалай сыйлыктар ыйгарылды.

Бул менен бирге майрамдык кечеде катышуучулар үчүн лотерея ойнотулуп, бир топ баалуу белектер тапшырылды. Сыйлоо аземинен соң майрамдык кече андан ары уланып, жогорку маанай менен жыйынтыкталды.

Ардактуу агартуу тармагында эмгектенген түмөн түйшүктүү, ары сүйкүмдүү асыл кесип ээлери! Мындан ары да жаштарга сапаттуу билим берип, мыкты келечек ээлерин тарбиялап, коомдун, өлкөнүн өнүгүшүнө салым кошуп жүрө беришиңиздерге тилектешбиз. Кесиптик майрамыныздар кут болсун!