ЭКСТРЕМИЗМ ЖАНА ТЕРРОРИЗМДИН АЛДЫН АЛУУ БОЮНЧА СТУДЕНТТЕРГЕ ТҮШҮНДҮРҮҮ ИШТЕРИ ЖҮРГҮЗҮЛДҮ

Бүгүн Ош мамлекеттик педагогикалык университетинде диний радикалдашуу, экстремистик, террористтик көрүнүштөргө бөгөт коюу маселелери боюнча семинар өткөрүлдү.

Семинарды дин комиссиясынын өкүлдөрү Ахматбек Оморов жана Иляз Маматкаримов өтүп, ага окуу жайдын алты факультетинен чогулган студенттер күбө болушту. Мында катышуучуларга диний-экстремисттик, террористтик көрүнүштөрдүн алдын алуу, аларга бөгөт коюу, улуттар жана диндер аралык кастыкты козуткан кылмыштарга жол бербөө тууралуу маалымат берилип, түшүндүрүү иштери жүргүзүлдү.

Белгилей кетсек аталган саамалык “Кыргыз Республикасындагы дин тутуу эркиндиги жана диний уюмдар жөнүндө”, “Экстремизмге каршы күрөшүү жөнүндө”, “Терроризмге каршы күрөшүү жөнүндө” мыйзамдарынын негизинде уюштурулуп, алдыда дагы да уланмакчы.