ОКУУ ЖАЙДЫН 1-КУРСТАРЫ ОРТОСУНДА МЕЛДЕШ КЫЗУУ ЖҮРҮҮДӨ

Ош мамлекеттик педагогикалык университетинде окуу жайга жаңыдан келген 1-курстун студенттери ортосунда спорттун 5 түрү боюнча мелдеш старт алды.

Ага ылайык бүгүн мелдештин ачылуу аземи өткөрүлүп, командалар чучук-улак тандоо менен алгач волейбол оюнуна киришип, мелдеш учурда кызуу жүрүүдө. Иш чара студенттерди дене тарбиялык жана руханий жактан өнүктүрүү, спортко болгон жөндөмдүүлүгүн арттыруу жана жаштар арасында мыкты спортчуларды аныктоо максатында дене-тарбия факультети, профсоюз комитети жана жаштар комитети тарабынан уюштурулууда.

Алдыда катышуучулар спорттун тогуз коргоол, шахмат, стол теннис, футбол түрлөрү боюнча таймаш курушат. Натыйжада мыкты оюн көрсөтүп, өзгөчө даярдык жана шамдагайлык менен катышкан жаш спортчулар университеттин курама командасына кабыл алынмакчы.