ОКУУ ЖАЙДА КЫРГЫЗ ТИЛЧИЛЕРГЕ АРНАЛГАН СЕМИНАР УЮШТУРУЛДУ

Бүгүн Ош мамлекеттик педагогикалык университетинде Казакстандан келген профессор Нурша Орозахынова мугалимдерге семинар-тренинг өттү.

Саамалык педагогдор ортосунда усулдук, технологиялык жактан тажрыйба алмашуу максатында уюштурулуп, ага Ош шаарындагы кыргыз тили жана адабияты мугалимдери, жогорку жана орто окуу жайлардын окутуучулары катышты.

Мында педагогика илимдеринин доктору Нурша Орозахынова катышуучуларга “Сатылай кешенди окутуу” технологиясы менен фонетикалык биримдикти санариптик система менен окутуунун артыкчылыгы, “Сатылай кешенди окутуу” технологиясы-сапаттуу билим берүүнүн кепилдиги” аталышындагы мастер класстарды өтүп, кеңири маалыматтарды берди. Иш чара кызуу талкуу менен коштолуп, кызыктуу суроо-жооптор менен жыйынтыкталды.