Окуу жайда профессор Миталип Тайировдун 70 жылдыгына карата конференция өткөрүлдү

Бүгүн Ош мамлекеттик педагогикалык университетинде студенттердин аймактык илимий-практикалык конференциясы уюштурулду.

Иш чара “Студент жана инновациялык технологиялар” аталышында өтүп, ага окуу жайдын профессордук-окутуучулук жамааты, Ош шаарынан жана Баткен облусунан келген студенттер катышты.

Мында алгач математика жана компьютердик технологиялар факультетинин деканы Кандалат Турдубаева окумуштуунун эмгек жолуна назар салуу менен бирге куттуктоо сөзүн сүйлөдү. Ал эми пленардык жыйында БатМУ, ОшМУ, КӨЭАУ жана ОшМПУнун студентттери өз баяндамаларын жасашты. Ал эми секциялык иштер 13:00дөн 16:00гө чейин уланат. Алдыда конференциянын резолюциясы кабыл алынып, мыкты баяндамачыларга сертификаттар тапшырылат.

Белгилей кетсек, аталган саамалык Кара-Кыргыз автономиялуу облусунун түзүлгөндүгүнүн 100 жылдыгына, физика-математика илимдеринин доктору Миталип Тайировдун 70 жылдык юбилейине карата окуу жайдын математика жана компьютердик технологиялар факультети тарабынан өткөрүлдү.