“МЫКТЫ ВИДЕО REELS” СЫНАГЫНЫН ЖЕҢҮҮЧҮЛӨРҮ СЫЙЛАНДЫ

Ош мамлекеттик педагогикалык университетинде “МЫКТЫ ВИДЕО REELS” сынагынын жеңүүчүлөрү аныкталып, сыйлыктар ыйгарылды.

Мында жобого ылайык катышуучулар өз чыгармачылыгын колдонуу менен студенттердин жашоосун чагылдырган кыска видео тартышкан. Натыйжада 3-орунду от-21 тайпасынын студенти Канзаада Абдулла кызы, 2-орунду ин-22 тайпасынын студенти Акмарал Медербек кызы, ал эми 1-орунду гуманитардык факультетинин т-21-б1 тайпасы багындырды.

Алдыңкы орундарды ээлеген жана активдүү катышкан студенттерге бүгүн окуу жайдын чоң жыйындар залында өткөрүлгөн студенттер күнүнө карата уюштурулган салтанатта диплом жана баалуу белектер тапшырылды.

Белгилей кетсек аталган сынак ОшМПУнун 100 жылдыгына жана 17-ноябрь-Эл аралык студенттер күнүнө карата окуу жайдын коомчулук менен байланыш бөлүмү тарабынан уюштурулган.