ОшМПУнун СТУДЕНТТЕРИ ЭКОЛОГИЯЛЫК ДОЛБООР ЖАЗУУ СЫНАГЫНДА БАЙГЕЛҮҮ ОРУНДУ ЭЭЛЕШТИ

Ош мамлекеттик педагогикалык университетинин студенттери “Калдыктарды кайра иштетүүгө катыш” аталышындагы экологиялык долбоор жазуу сынагында байгелүү орунга ээ болушту.

Саамалык Ош шаарындагы “Орхус” маалыматтык борбору, Ош шаардык жаштар иштери боюнча комитети жана Ош тазалык ишканасы тарабынан уюштурулуп, ага ЖОЖдордун студенттери жана мектептерден келген командалар катышты. Катарда окуу жайдын табият таануу жана география факультетинин Б-24 тайпасынан куралган “Экодем” командасы да өз долбоору менен катышып, натыйжада 2-орунду камсыздашты.

Жыйынтыгында байгелүү орунду ээлеген командаларга уюштуруу тобу тарабынан диплом жана баалуу белектер тапшырылды.