ДЕНЕ ТАРБИЯ ФАКУЛЬТЕТИНДЕ ДЕКАНДЫН КУБОГУ КЫЗУУ УЛАНУУДА

Ош мамлекеттик педагогикалык университетинин дене тарбия факультетинде салтка айланган декандын кубогу ойнотулуп, мелдеш өзгөчө маанайда өтүп жатат.

Жылдагыдан өзгөчөлөнүп бул мелдеште ОшМПУ жана ЯрГПУ (К.Д.Ушинский атындагы Ярослав мамлекеттик педагогикалык университети) студенттеринин спорт ышкыбоздору волейбол мелдешин куруп, кызуу оюн көрсөтүштү. Ошондой эле жаштар арасында спорттун таяк тартыш, тогуз коргоол түрлөрү боюнча да оюндар өткөрүлдү.

Мелдештин жыйынтыгы спорттун ар бир түрү боюнча командалык эсеп менен чыгарылып, жеңүүчүлөр аныкталат. Алдыда байгелүү орунду ээлеген командаларга диплом жана баалуу белектер тапшырылып, ал эми 1-орунду алган команда атайын декандын кубогу менен сыйланат.