ЖАТАКАНА ЖАШТАРЫНА АРНАЛГАН СПОРТТУК МЕЛДЕШ

Ош мамлекеттик педагогикалык университетинин жаштар комитети тарабынан жатаканада жашаган студенттер үчүн спорттук мелдеш старт алды.

Ага ылайык окуу жайдын спорттук залында аталган мелдештин ачылуу аземи өткөрүлүп, андан соң студент кыздар жана балдар ортосунда спорттун волейбол түрү боюнча бүйүр кызыткан мелдеш жүрдү.

Ар бир кабат боюнча командага бөлүнүп, кызуу оюн курган жаштар алдыда шахмат жана таяк тартыш оюндары боюнча күч сынашат. Мелдеш 3 күнгө созулуп, оюндун соңунда жеңүүчүлөр жана активдүү катышуучулар уюштуруу тобу тарабынан диплом жана акчалай сыйлыктар тапшырылат.

Салтка айланган бул саамалык жаштарды сергек жашоого үндөө, ден соолугун чыңдоо максатында окуу жайда байма-бай уюштурулуп келет.