ОшМПУ жана Сургут мамлекеттик педагогикалык университетинин студенттик кеңеши кызматташат

Ош мамлекеттик педагогикалык университетинде Сургут мамлекеттик педагогикалык университетинин студенттик кеңеши менен жолугушуу уюштурулду.

Аталган жолугушууга окутуучулар жана студенттик кеңештин мүчөлөрү катышты. Бул менен бирге Сургут мамлекеттик педагогикалык университетинин бүтүрүүчүлөрү Маху Юлия Анатольевна жана Титенко Олеся Ильсуровна конокто болду. Иш чара онлайн жана офлайн форматта өтүп, мында катышуучулар эки тараптуу кызматташууну түзүү боюнча кенен кеп курушту. Ошондой эле тараптар университеттердин ортосундагы академиялык жана маданий байланыштарды чыңдоо зарылдыгын макулдашты. Андан соң коноктор окуу жайдын бизнес идеяларды ишке ашыруу борборуна саякат курушту.

Иш чаранын негизги максаты студенттердин демилгелерин жана долбоорлорун колдоо, биргелешкен илимий изилдөөлөрдү, конференция, семинарларды өткөрүү жана илимий макалаларды жазуу, студенттер үчүн бизнес борборун түзүү, билим алмашууну өнүктүрүү болуп саналат.