МАТЕМАТИКА ЖАНА КОМПЬЮТЕРДИК ТЕХНОЛОГИЯЛАР ФАКУЛЬТЕТИНДЕ ЖЫЛ ЖЫЙЫНТЫКТОО ИШ ЧАРАСЫ БОЛДУ

Ош мамлекеттик педагогикалык университетинин математика жана компьютердик технологиялар факультетинде жыл жыйынтыктоо иш чарасы болуп өттү.

Аталган салтанатка факультеттин деканы Венера Исакова баштаган окутуучулар жамааты жана студенттери катышып, таланттуу студенттердин чыгармачылык кечесине күбө болушту. Иш чара жаңы жылга карата уюштурулган майрамдык ыр, бий жана кызыктуу оюн-зооктор менен коштолду.

Бул менен бирге жыл ичинде окууда жана коомдук иш чараларда мыкты көрсөткүчтөргө жетишкен активдүү студенттер факультет тарабынан диплом жана Ардак гамоталар менен сыйланышты. Ошондой эле ин-23 жана ми-23 тайпалары “Мыкты тайпа” номинациясына ээ болушту.