ОшМПУнун КЫЗМАТКЕРИ ЖАНА СТУДЕНТИ ЖЫЛ МЫКТЫСЫ АТАЛДЫ

24-декабрь күнү жаштар үчүн мэрдин жаңы жылдык балы өткөрүлүп, мында Ош шаардык мэриясы жана Жаштар комитети тарабынан уюштурулган“ЖЫЛ МЫКТЫЛАРЫ - 2024" аталышындагы сынактын жеңүүчүлөрү сыйланды.

Иш чара Ош шаарынын мэри Бакытбек Жетигенов, шаардык Кеңештин төрагасы Болот Баетов, ар кайсыл тармактарда иш алып барган активдүү жана мыкты 400гө жакын жаштардын катышуусунда өттү. Ага ылайык 30 номинация боюнча өткөрүлгөн “Жыл мыктылары-2024” сынагынын жеңүүчүлөрүнө сыйлыктар тапшырылып, концерттик, оюн-зоок программасы тартууланды.

Катарда окуу жайдын мамлекеттик тилди өнүктүрүү борборунун башкы адиси Бектур Исамидин уулу "Жылдын мыкты жаш калемгери" номинациясына, ал эми Табият таануу жана география факультетинин студенти Мээрим Рустамбек кызы “Жылдын мыкты студент айымы” номинациясына ээ болушту. Аталган сыйлык Ош шаарынын коомдук турмушуна активдүү катышып, жаштар саясатынын өсүшүнө кошкон салымы жана жетишкендиктери үчүн ыйгарылды. Жобого ылайык сынактын катышуучулары социалдык тармак аркылуу сунушталып, андан соң эң көп добуш алгандарынын жыл ичиндеги жетишкендиктерине жана Ош шаарынын өнүгүүсүнө кошкон салымына байкоо жүргүзүлгөн.

Сыйлык ээлерин кызуу куттуктоо менен бирге ийгиликтерди каалайбыз!