ЖАТАКАНА ЖАШТАРЫ ЖАҢЫ ЖЫЛДЫК КЕЧЕДЕ

Ош мамлекеттик педагогикалык университетинин жатаканада жашаган студенттери үчүн окуу жайдын Жаштар комитети тарабынан жыл сайын майрамдык кече тартууланып келет.

Быйылкы жылы да келе жаткан жаңы жыл майрамын утурлай студенттер үчүн майрамдык кече уюштурулуп, ага Жаштар комитетинин төрагасы Чыңгыз Кадырмамат уулу, Мамлекеттик тилди өнүктүрүү борборунун башкы адиси Бектур Исамидин уулу жана комитеттин мүчөлөрү, жатаканын студенттери катышты.

Ага ылайык катышуучуларга талантуу студенттер тарабынан чакан концерттик программа тартууланып, буга чейинки өткөрүлгөн спорттук мелдештин жана акыл таймаштын жеңүүчүлөрүнө диплом жана акчалай сыйлыктар тапшырылды. Бул менен бирге аяз атанын коштоосунда жатаканада жашаган бардык студенттерге жаңы жылдык белектер ыйгарылды.