ЖУСУП БАЛАСАГЫН АТЫНДАГЫ КЫРГЫЗ УЛУТТУК УНИВЕРСИТЕТИНИН ОКУТУУЧУЛАРЫ ОшМПУда

Бүгүн Ош мамлекеттик педагогикалык университетинде Жусуп Баласагын атындагы Кыргыз улуттук университетинин Ош шаарындагы Гуманитардык-табигый илимдер факультетинин окутуучуларына семинар өткөрүлдү.

Иш чара “Электрондук платформа жана санариптик ыкмаларды пайдалануу” аталышында болуп, семинарды окуу жайдын Мамлекеттик тилди өнүктүрүү борборунун башкы адиси Бектур Исамидин уулу өттү. Мында катышуучуларга сабакта презентацияларды түзүү, даяр электрондук шаблондорду пайдалануу, мугалимдин жумушун жеңилдетүүчү программалар, заманбап усулдар: тажрыйбалар жана практикалык иштер, компьютердик сабаттуулук жана аларды өздөштүрүү боюнча кеңири маалыматтар айтылды.

Жыйынтыгында катышуучулар арасында суроо-жооп уюштурулуп, саамалык жылуу пикирлер менен соңуна чыкты. Белгилей кетсек аталган иш чара Ж.Баласагын атындагы КУУнун Ош шаарындагы Гуманитардык-табигый илимдер факультетинин демилгеси менен окуу жайлар аралык тажрыйба алмашуу, кызматташууну байытуу, мамилени чыңдоо максатында уюштурулду.