ЭЖЕКЕЛЕР ВОЛЕЙБОЛ МЕЛДЕШИНДЕ

Ош мамлекеттик педагогикалык университетинде өтүп жаткан факультеттер аралык профессордук-окутуучулук курам жана кызматкерлер ортосундагы спартакиада алгач эжекелердин волейбол оюну менен башталды.

Мында алгач командалар чучук-улак тандашып, андан соң оюнга киришишти. Мелдеш катышуучулардын бүйүр кызыткан таймашы жана күйөрмандардын кызуу сүрөөнү менен коштолду. Жыйынтыгында 3-орунду табият таануу жана география факультети, 2-орунду колледж, ал эми 1-орунду музыкалык-педагогикалык факультети багындырды.

Белгилей кетсек аталган спартакиада окутуучуларды сергек жашоо образына багыттоо, кызматкерлер арасында ынтымакты бекемдөө максатында окуу жайдын 100 жылдык мааракесине карата уюштурулду.