Кыргызча Русский English
Авторизация
Ош мамлекеттик педагогикалык университетинин официалдуу сайты
» » Мамлекеттик жана коомдук ишмер, ОшМПУнун сыймыктуу бүтүрүүчүсү Абдиваит Тажибаев дүйнө салды
22 январь 2025
54

Мамлекеттик жана коомдук ишмер, ОшМПУнун сыймыктуу бүтүрүүчүсү Абдиваит Тажибаев дүйнө салды

Мамлекеттик жана коомдук ишмер, ОшМПУнун сыймыктуу бүтүрүүчүсү Абдиваит Тажибаев дүйнө салды
2025-жылдын 22-январында 95 жаш курагында мамлекеттик жана коомдук ишмер Абдиваит Тажибаев каза болду. Бул тууралуу президенттин Оштогу өкүлчүлүгүнүн басма сөз кызматы билдирди.
Абдиваит Тажибаев 1930-жылы 9-майда Ноокат районунун Кыргыз-Ата айыл аймагынын Көтөрмө айылында туулган. Жогорку билимдүү, адистиги боюнча экономист.
Эмгек жолун 1950-жылы Ош шаарындагы педагогикалык окуу жайын, азыркы Ош мамлекеттик педагогикалык университетин аяктаган. Андан соң Ноокат районунун Көтөрмө айылындагы Тельман атындагы 7 жылдык мектепте мугалим, окуу бөлүмүнүн башчысы болуп иштөө менен баштаган.
- 1952-1957-жылдары Ташкентеги финансы-экономика институтун бүтүргөндөн кийин экономист кесиби боюнча иштеп жүрүп, Ноокат районунун финансы бөлүмүн жетектеген.
- 1959-жылы КПССтин мүчөлүгүнө кабыл алынган (партиялык күбөлүгүнүн номуру № 12851555). 1965-1967-жылдары эл депутаттарынын Ноокат райондук кеңешинин аткаруу комитетинин төрагасы болуп эмгектенген.
- А Тажибаев 1967-1969-жылдары Москва шаарындагы КПСС БКнын алдындагы жогорку партиялык мектебинде окуган.
- 1969-1974-жылдары Ала-Бука райком партиянын биринчи катчысы, Кыргызстан компартиясынын Борбордук комитетинин уюштуруу бөлүмүнүн башчысынын биринчи орун басары кызматтарында иштеген.
- 1971-жылдын 5-мартында Кыргызстан КПнын XV съездинде Борбордук комитеттин текшерүү коммисияснын мүчөлүгүнө шайланган. 1971-жылдан баштап 1987-жылга чейин үзүрлүү эмгектеринин натыйжасында Кыргыз ССР Жогорку Кеңешине 4 жолу депутаттыка шайланган.
- 1974-1975-жылдары кыргызстан компартиясынын Борбордук комитетинин партиялык уюштуруу бөлүмүнүн башчысынын орун басары, 1975-1978-жылдары партиянын Өзгөн, Кара-Суу райондук комитеттеринин биринчи катчысы болуп иштеген. 1976-жылы Кыргызстан КПнын XVI съездинде Борбордук комитеттинин мүчөлүгүнө шайланган.
1978-1987-жылдары Эл депутаттарынын Ош облустук кеңешинин аткаруу комитетинин төрагасы болгон. 1987-1989-жылдары Ош облустук мамлекеттик камсыздандыруу башкармасынын башчысы, 1989-1994-жылдары Ош облустук жаратылышты коргоо комитетинин төрагасы болуп үзүрлүү эмгектенген.
- 1994-1997-жылдары Ош облустук мамлекеттик администрациясынын алдындагы Кыргызстан элдеринин ассамблеясынын төрагасы, 1997-2007-жылдары “Кыргыз Тамекиси” мамлекеттик акционердик корпорациясынын башкы директорунун жана Ош облустук мамлекеттик администрациясынын башчысы - губернатордун айыл чарба маселелери боюнча кеңешчиси болгон. Ош облустук кеңешке бир нече жолу депутат болуп шайланган.
Ал эми 2007-жылдан 2020-жылга чейин Ош облустук ардагерлер кеңешинин төрагасы болуп эмгектенген.
А Тажибаев райондук жана облустук мамлекеттик администрацияларынын, Кыргыз Республикасынын Экономика министрлигинин жана Кыргыз Республикасынын Жогорку Кеңешинин ардак грамоталары менен сыйланган.
1970-жылы “В.И.Лениндин 100 жылдыгы юбилейлик” жана “Эмгектеги каармандыгы үчүн” медалдары, 1971-жылы СССР Жогорку Советинин президиумунун указы менен “Ардак белгиси” ордени менен, 1978-жылы “СССРдин мамлекеттик чек арасын коргоодогу артыкчылыгы үчүн” медалы, 1980-жылы Кыргыз ССР Жогорку Советинин президиумунун ардак грамотасы, 1981-жылы “Эмгек Кызыл Туу” ордени менен сыйланган. 1984-жылы “Эмгек ардагери” медалы, 1992-жылы Кыргыз Республикаснын “Жаратылышты коргоонун эмгек сиңирген кызматкери” ардак наамы ыйгарылган. 2000-жылы Кыргыз Республикасынын “Даңк” медалы, 2016-жылы Кыргыз Республикасынын “Журт Атасы” алтын төш белгиси, 2019-жылы Кыргыз Республикасынын III даражадагы “Манас” ордени менен сыйланган.
2000-жылы депутаттардын Ноокат райондук кеңешинин 2-чакырылышынын 3-отурумунун №3 чечими менен Ноокат райондук маданият үйүнө Абдиваит Тажибаевдин ысымы ыйгарылган. 2002-жылы Ош облустук мамлекеттик архивинде А.Тажибаевдин жеке фонду уюштурулган.
Ноокат, Ала-Бука, Өзгөн райондорунун жана Ош облусунун “Ардактуу атуулу”
наамы ыйгарылган.
Абдиваит Тажибаевдин үй-бүлөсүнө, балдарына жана жалпы жакындарына көңүл айтабыз. ОшМПУнун ректору Бекмурза Зулуев жана жалпы окуу жайдын эмгек жамааты.  
шаблоны для dle 11.2

Пикир кошуу

ОшМПУнун дареги
Кыргыз Республикасы

723500, Ош обласу, Ош шаары

Исанова к.

Телефондор.: (03222)43567, 43550

Эл.почтасы: edu@oshmpu.kg, osh.ogpi@gmail.com
Интерактивная карта

Copyright © 2018 Сайттагы материалдарды түрдүү максаттарда пайдалануу, анын ичинде электрондук ММКларга жарыялоо сайттын администрациясынын кат түрүгндөгү уруксаты менен гана ишке ашырылат.

Разработка сайта - uDesign.pro