ЖОЖдор АРАЛЫК ТАМАШОУ ТАЙМАШЫНДА ОшМПУ 1-ОРУН

ЖОЖдор АРАЛЫК ТАМАШОУ ТАЙМАШЫНДА ОшМПУ 1-ОРУН

Ош мамлекеттик педагогикалык университетинин “VIP STAR” командасы ЖОЖдор аралык өткөрүлгөн тамашоунун “Stud liga” шайыр тапкычтар күлкү долбоорунда 1-орунду ээледи.

Иш чара Ош шаардык жаштар иштери боюнча комитетинин колдоосу менен өткөрүлүп, мында Ош жана Баткен облусунан суурулуп чыккан жалпы 12 команда кызуу оюн курушту. Жобого ылайык ар бир команда өз даярдап келген номерлерин көрсөтүшүп, көрүүчүлөргө жагымдуу маанай тартуулашты.

Жыйынтыгында баш байгени окуу жайдын “VIP STAR” командасы багындырып, финалга жолдомо алды. Ал эми 2-орунду ОшТУнун “Yes name” командасы, 3-орунду ОшМУнун “Элдин кыздары” командасы ээлеген. Активдүү оюн көрсөткөн командаларга диплом жана сертификаттар тапшырылды.

Белгилей кетсек оюндун финалдык баскычында жеңүүчү команданы автоунаа күтөт.