СТУДЕНТТЕРГЕ РЕКЕТЧИЛИК БОЮНЧА ТҮШҮНДҮРҮҮ ИШТЕРИ ЖҮРГҮЗҮЛДҮ

Бүгүн Ош мамлекеттик педагогикалык университетинде студенттерге арналган рекетчиликтин алдын алуу жана болтурбоо туурасында жолугушуу өткөрүлдү.

Ага университеттин ректору Бекмурза Зулуев, Ак-Буура милиция бөлүмүнүн башчысы, милициянын полковниги Мухаммедали Тороходжаев, Ош ШИИБнын Ак-Буура милиция бөлүмүнүн №4 шаардык милиция бөлүмүнүн башчысы, милициянын капитаны Кайрат Абдираимов жана колледждин 1-курстарынын студенттери катышты.

Иш чаранын жүрүшүндө милиция кызматкерлери рекетчилик жана кылмыштуулук боюнча соңку учурда талкуу жараткан окуяларга токтолуп өтүп, студенттерге түшүндүрүү иштерин жүргүзүштү. Бул менен бирге коомго терс таасирин тийгизген сапаттар түрдүү кесепеттерге алып келээрин айтып, 18ге толо элек жаш өспүрүмдөргө түнкүсүн 22:00дөн кийин ата-энесиз же болбосо мыйзамдуу өкүлү жок көчөдө жүрүүгө тыюу салынаарын эскертип өтүштү. Жыйынтыгында студенттер тарабынан берилген суроолорго тиешелүү жооптор алынды.