ЖАШ СҮРӨТЧҮЛӨРГӨ АРНАЛГАН ПРАКТИКАЛЫК САБАК

Бүгүн Ош мамлекеттик педагогикалык университетинде сүрөт тартууга кызыккан студенттер үчүн практикалык сабак уюштурулду.

Мында Гапар Айтиев атындагы сүрөт мектебинин мугалими Эрболсун Махаматсабыр уулу жаш сүрөтчүлөргө “Көлөм жана мейкиндик” деген теманын алкагында мастер-класс өтүп берди.

Аталган сабакта студенттер акварель техникасында көлөмдү жана жарык көлөкөнү натыйжалуу колдонууга ылайык теориялык билимдерди алып, практикалык иштерди аткарышты.

Анын катарында шар, куб, цилиндр сыяктуу формалардын көлөкөсүн берүү, натурадан иштөө, акварель боёктору менен иштөө сыяктуу бир канча сүрөт тартуунун техникалары боюнча маалыматтар көрсөтүлдү.

Белгилей кетсек практикалык мастер-класс ОшМПУнун Жаштар комитети тарабынан демилгеленип, Ош шаардык Гапар Айтиев сүрөт мектеби менен биргеликте уюштурулду.