Окуу жайда КР ИИМнин кызматкерлери менен студенттердин жолугушуусу өттү

Бүгүн Ош мамлекеттик педагогикалык университетинде Ош ШИИБнин Экстремизимге жана мыйзамсыз миграцияга каршы аракеттенүү кызматынын кызматкерлери менен жолугушуу өткөрүлдү.

Иш чаранын коноктору милициянын полковниги Нурбек Шерикбаев, милициянын подполковниги Мирланбек Турдалиев, милициянын ага лейтенанты Уларбек Маканов болуп, ага окуу жайдын студенттери күбө болушту.

Иш чаранын жүрүшүндө милиция кызматкерлери тарабынан кылмыш түшүнүгү, кылмыш жана жаза жоопкерчилигине тартылуу курагы, экстремисттик материалдарды даярдоо, таратуу, кылмыш жасагандар үчүн жазанын түрлөрү тууралуу маалыматтар берилип, видео тасма көрсөтүлдү.

Белгилей кетсек аталган саамалык КР ИИМнин 2022-2028-жылдарга карата укук бузуулардын алдын алуу чөйрөсүндөгү мамлекеттик саясаттын концепциясынын алкагында өткөрүлдү.