ОшМПУнун СТУДЕНТТЕРИ АК КАЛПАК КҮНҮНӨ КАРАТА ЖӨӨ ЖҮРҮШТӨ

Бүгүн 5-мартта Ош шаарынын борбордук аянтында кыргыздын улуттук баш кийими ак калпактын урматына жөө жүрүш өткөрүлдү.

Иш чарага шаардагы жогорку жана орто атайын окуу жайлардын 1000ге жакын студенттери катышты. Катарда Ош мамлекеттик педагогикалык университетинин студенттери да жүрүшкө жигердүү катышып, саамалык патриоттук демди көтөрүүчү ураандар менен коштолду.

Маалымат иретинде, жыл сайын 5-мартта Кыргызстанда улуттук баш кийим ак калпактын урматына Ак калпак күнү белгиленет. Аны белгилөө демилгесин кинорежиссёр Рысбек Жабиров көтөрүп чыккан. Бул күн Жогорку Кенештин 2016-жылдын 29-июнундагы №825-VI токтому менен улуттук баш кийимдин маанисин сактоо жана сыйлоо, улуттук салтты колдоо жана элдин кыргыз маданиятына болгон сыймыктануу сезимдерин ойготуу максатында кабыл алынган.