ОшМПУнун ректору РФнын Агартуу министрлигинин ыраазычылык катына ээ болду

Ош мамлекеттик педагогикалык университетинин ректору Бекмурза Зулуев Россия Федерациясынын Агартуу министрлигинин ыраазычылык каты менен сыйланды.

Сыйлыкты Акмулла атындагы Башкыр мамлекеттик педагогикалык университетинде Россия Федерациясынын Билим берүү министрлигинин Улуттук билим берүү тутумун интеграциялоо жана Эл аралык кызматташтык департаментинин директору Усман Абдул-Азиевич Рассуханов тапшырды.

Аталган ыраазычылык кат Ош мамлекеттик педагогикалык университетинин ректору Бекмурза Зулуевдин Кыргызстан менен Россиянын билим берүү тармагындагы кызматташтыгын өнүктүрүүгө кошкон салымы үчүн ыйгарылды.